وأنا قاعد من كم يوم في لجنة الامتحان (آخر امتحان ليه في البكالريوس),وفي وسط منا مندمج مع ورقة الاجابة وبحاول أفك شفرة مسألة من المسائل (إلي عرفت بعد كده إن الباسورد بتاعها مع الدكتور وحالف بالطلاق , ما يديه لأي مخلوق ).........إذ بي أوفوجأ بصوت حريمي جاي من أول اللجنة.بينادي عليا........ ( فين محمد؟ ) ............... وأنا قاعد منفض ( مش فاضيلك بقي يا حجه , مش كفاية الامتحان جاي من كوكب المريخ وعاوز واحد من كوكب زحل عشان يحله) , ولكن الظاهر إن المدام مصرة : يا جمااااعة فين محمد؟ .
وبعد ما لقيت ان مفيش فايدة في التنفيض, وبعد ما ابتدا الزملة إلي معايا في اللجنة ينفخو (ما ترد يا عم علي الأبلة , مش عارفين نركز) عشان كده اضطريت أرد( أيوه يا ستي أنا محمد, أي خدمة ؟)
الموظفة : يا محمد إنت ليك مكافئة تحت (في الخزنة ),متنساش تخدها, رديت عليها وأنا مزأطط : بالله عليكي يا مدام أنا ليا مكافئة, طب احلفي بالله العظيم تلاتة.
الموظفة : ايه يا بني ,مالك كده مش مصدق نفسك , هو أنا بقولك انت كسبت في مسابقة كرومبو.
أنا : أصل أنا مش متعود آخد فلوس من الحكومة , طول عمر الحكومة احنا الي بنصرف عليها.
الموظفة : طب يا سيدي , أول متخلص امتحان , تعال خد مكافئتك, عشان لو مجتش تخادها النهارضة هتضيع عليك.
أنا : ضروري .....ضروري هعدي عليكو( ويلا بقي بالسلامة خلونا نكمل امتحان).
وحاولت بقي انجز في الامتحان , وبعد ماخلصت روحت جري علي الخزنة ( أنا جيت , فين بقي يا ستي المكافئة؟) الموظفة وهي بتديني كشف: شوف اسمك ووقع جنبه بالاستلام.
وخدت الكشف ودورت علي اسمي...........ايه ده 30 جنيه!!! هي دي المكافئة يا مدام؟
الموظفة: لو مش عاوزهم , انت حر.
أنا : أمري لله هاتيهم .
دي أخرتها بعد ما أجيب جيد جدا أخد 30 جنيه
وبعد ما لقيت ان مفيش فايدة في التنفيض, وبعد ما ابتدا الزملة إلي معايا في اللجنة ينفخو (ما ترد يا عم علي الأبلة , مش عارفين نركز) عشان كده اضطريت أرد( أيوه يا ستي أنا محمد, أي خدمة ؟)
الموظفة : يا محمد إنت ليك مكافئة تحت (في الخزنة ),متنساش تخدها, رديت عليها وأنا مزأطط : بالله عليكي يا مدام أنا ليا مكافئة, طب احلفي بالله العظيم تلاتة.
الموظفة : ايه يا بني ,مالك كده مش مصدق نفسك , هو أنا بقولك انت كسبت في مسابقة كرومبو.
أنا : أصل أنا مش متعود آخد فلوس من الحكومة , طول عمر الحكومة احنا الي بنصرف عليها.
الموظفة : طب يا سيدي , أول متخلص امتحان , تعال خد مكافئتك, عشان لو مجتش تخادها النهارضة هتضيع عليك.
أنا : ضروري .....ضروري هعدي عليكو( ويلا بقي بالسلامة خلونا نكمل امتحان).
وحاولت بقي انجز في الامتحان , وبعد ماخلصت روحت جري علي الخزنة ( أنا جيت , فين بقي يا ستي المكافئة؟) الموظفة وهي بتديني كشف: شوف اسمك ووقع جنبه بالاستلام.
وخدت الكشف ودورت علي اسمي...........ايه ده 30 جنيه!!! هي دي المكافئة يا مدام؟
الموظفة: لو مش عاوزهم , انت حر.
أنا : أمري لله هاتيهم .
دي أخرتها بعد ما أجيب جيد جدا أخد 30 جنيه
0 التعليقات:
إرسال تعليق