في كثير من قرى مصر نجد (دوار العمدة), وهذا الدوار لا يكاد يخلو من الزائرين من كبار أهل البلد الذين يتناقشون في شتي أمور البلد, وكذلك لا يخلو من المتخاصمين الذين لم يجدوا حل لمشاكلهم إلا في الذهاب إلي دوار العمدة.
وفي أحد الأيام يقرر كل من صميدة ونحمده بالذهاب إلي الدوار لحل مشاكلهم الزوجية التي لاتنتهي.
يستأذن صميدة بالدخول علي العمدة, ويأذن له بالدخول, العمدة: يا أهلا وسهلا , خش يا صميدة انت والمدام , ده الدوار نور , ماشالله عليك يا صميدة من أول ماتجوزت وانت الدموية ردت في وشك.
ويجلس صميدة وحرمه نحمده , ويبدأ صميدة في الكلام : والله يا جناب العمدة أنا كنت عاوز أشكيلك.
العمدة: تشكيلي من ايه يا ولا , ده أنت متجوز البت نحمده ( إلي أهل الكفر حفيو عشان يتجوزوها) ومحدش عرف يتجوزها غيرك انت يا نمس.
صميدة بكل حسرة: يا جناب العمدة أنا خدت مجلب كبيييييييييييييير.
نحمده(وقد تطاير الشرر من عينيها): تجصد ايه يا صميدة؟ !
صميدة متداركا الموقف قبل حدوث أي حركة أرعة من المدام : مش جصدي عليكي يا حياتي , ده مجلب تاني هبجي أجولك عليه بعدين.
نحمده : كنت بحسب.
العمدة : كمل يا صميدة , ايه المشكلة إلي كنت عاوز تجولها؟
صميدة : دي مش مشكلة واحدة , دي مشاكل كتييييييييييير.............. يعني مثلا كل يوم الصبحية أعمل خناقة مع نحمده.
العمدة: طب ليه يابني؟
صميدة : يعني يرضيك يا جناب العمدة أكون نايم في أمان الله , وألاجي طشت ميه ينزل علي وشي كل يوم.
العمدة موجها كلامه لنحمده : هو ده اسمه كلام يا بت, حد يصبح جوزه كل يوم بطشت ميه.
نحمده مدافعة عن نفسها : يعني أعمل ايه يا جناب العمدة , هو نومه تجيل , والمنبه إلي مشغله مبيبطلش رن وبيصحيني من أعز نومي.
العمدة : والله يا صميدة أنا شايف إن نحمده معاها حق .
صميدة : طب بلاش دي , يرضيك يا جناب العمدة بعد ما آخد الدش ده , أجولها تحضرلي الفطار جبل ما أروح الغيط , تجولي هو أنا متجوزاك عشان أخدمك يا منيل علي عينك.
العمدة لنحمده : هو ده اسمه كلام يا بت , حد يسيب جوزه يخرج من الدار من غير ما يعمله أكله شرحة, عشان يعرف يشتغل وينتج ,عشان البلد تتجدم لجدام.
نحمده مدافعة عن نفسها : يعني يا جناب العمدة , هعمله فطار ازاي , وهو بيكون لسه مديني علجة متينة بعد ما رشه بطشت الميه .
العمدة : عندك حق يا بت يا نحمده , هي البت تعرف تعمل فطار لجوزها وهي متنكد عليها , ده حتي الاكل ميبجاش ليه طعم.
صميدة : طب بلاش دي , يرضيك يا حضرة العمدة بعد ما آجي من الغيط الضهرية وأنا علي لحم بطني ,ومستعد آكل بجرة بحالها, أجولها فين الغدا , تحطلي طبق مسقعة مستعمل, وحتة خيارة متاكلة مرتين قبل كده .
العمدة لنحمده : هو ده اسمه كلام يا بت , حد يعمل لجوزه مسقعة علي الغدا كل يوم , الراجل برضه لازم ياكل المحمر والمشمر, عشان يعرف يواصل الشغل في الغيط بتاعه.
نحمده مدافعة عن نفسها : أنا أمي معلمتنيش غير عمايل المسجعة , وبعدين أنا ياما عملتله طبيخ علي أعلي مستوي , ولا هتنكر يا صميدة.
صميدة : ده طبيخ, الجحش إلي بركبه يجرف ياكله .
نحمده : شايف يا جناب العمدة بيتمألس علي طبيخي ازاي , بدل ما يشجعني عشان أوريه مهاراتي في الطبيخ .
صميدة : أنا لو سبتك تتعلمي الطبيخ يا مفترية , هحتاج أعمل غسيل معدة كل يوم.
العمدة : وماله يا صميدة مراتك وبتتعلم الطبيخ عليك , أنا شايف إنك تديها فرصة تتعلم الطبيخ , وكلها كام يوم و هتدخل البيت وتلاجي علي الطبلية طبق رز معمر ,ولا حلة محشي , ولا حتى دكر بط ......... اصبر يا صميدة يا بني ده أنا أول مرة آكل من ايد مراتي كان بعد الجواز ب3 سنين ( كنت مجضيها تيك أواي).
صميدة : طب بلاش دي , يرضيك يا حضرة العمدة بعد ما خلص غدا , وأروح عشان أمدد شوية علي السرير, المدام تنطلي , وتجولي أنا زهجانة وجرفانة وتعبانة , وتعد تشغلي اسطوانة النكد اليومية.
العمدة لنحمده : هو ده اسمه كلام يا بت , جوزك جاي من الغيط تعبان وعاوز يستريح , تجومي تزودي عليه تعبه.
نحمده مدافعة عن نفسها : يعني إن مكنتش اشكي لجوزي واجرفه, أشكي لمين.
العمدة : عندك حق يا بت يا نحمده , لكن لازم تختاري وقت مناسب عشان تشكي فيه.
صميدة : طب بلاش دي , يرضيك يا حضرة العمدة ..........
العمدة مقاطعا : خلاص يا صميدة , انت جبتلي صداع إنت ومراتك, يا بني ريح نفسك وطلجها.
صميدة : عندك حق يا جناب العمدة , روحي يا نحمده انتي طالج بالتلاتة.
تمت
وفي أحد الأيام يقرر كل من صميدة ونحمده بالذهاب إلي الدوار لحل مشاكلهم الزوجية التي لاتنتهي.
يستأذن صميدة بالدخول علي العمدة, ويأذن له بالدخول, العمدة: يا أهلا وسهلا , خش يا صميدة انت والمدام , ده الدوار نور , ماشالله عليك يا صميدة من أول ماتجوزت وانت الدموية ردت في وشك.
ويجلس صميدة وحرمه نحمده , ويبدأ صميدة في الكلام : والله يا جناب العمدة أنا كنت عاوز أشكيلك.
العمدة: تشكيلي من ايه يا ولا , ده أنت متجوز البت نحمده ( إلي أهل الكفر حفيو عشان يتجوزوها) ومحدش عرف يتجوزها غيرك انت يا نمس.
صميدة بكل حسرة: يا جناب العمدة أنا خدت مجلب كبيييييييييييييير.
نحمده(وقد تطاير الشرر من عينيها): تجصد ايه يا صميدة؟ !
صميدة متداركا الموقف قبل حدوث أي حركة أرعة من المدام : مش جصدي عليكي يا حياتي , ده مجلب تاني هبجي أجولك عليه بعدين.
نحمده : كنت بحسب.
العمدة : كمل يا صميدة , ايه المشكلة إلي كنت عاوز تجولها؟
صميدة : دي مش مشكلة واحدة , دي مشاكل كتييييييييييير.............. يعني مثلا كل يوم الصبحية أعمل خناقة مع نحمده.
العمدة: طب ليه يابني؟
صميدة : يعني يرضيك يا جناب العمدة أكون نايم في أمان الله , وألاجي طشت ميه ينزل علي وشي كل يوم.
العمدة موجها كلامه لنحمده : هو ده اسمه كلام يا بت, حد يصبح جوزه كل يوم بطشت ميه.
نحمده مدافعة عن نفسها : يعني أعمل ايه يا جناب العمدة , هو نومه تجيل , والمنبه إلي مشغله مبيبطلش رن وبيصحيني من أعز نومي.
العمدة : والله يا صميدة أنا شايف إن نحمده معاها حق .
صميدة : طب بلاش دي , يرضيك يا جناب العمدة بعد ما آخد الدش ده , أجولها تحضرلي الفطار جبل ما أروح الغيط , تجولي هو أنا متجوزاك عشان أخدمك يا منيل علي عينك.
العمدة لنحمده : هو ده اسمه كلام يا بت , حد يسيب جوزه يخرج من الدار من غير ما يعمله أكله شرحة, عشان يعرف يشتغل وينتج ,عشان البلد تتجدم لجدام.
نحمده مدافعة عن نفسها : يعني يا جناب العمدة , هعمله فطار ازاي , وهو بيكون لسه مديني علجة متينة بعد ما رشه بطشت الميه .
العمدة : عندك حق يا بت يا نحمده , هي البت تعرف تعمل فطار لجوزها وهي متنكد عليها , ده حتي الاكل ميبجاش ليه طعم.
صميدة : طب بلاش دي , يرضيك يا حضرة العمدة بعد ما آجي من الغيط الضهرية وأنا علي لحم بطني ,ومستعد آكل بجرة بحالها, أجولها فين الغدا , تحطلي طبق مسقعة مستعمل, وحتة خيارة متاكلة مرتين قبل كده .
العمدة لنحمده : هو ده اسمه كلام يا بت , حد يعمل لجوزه مسقعة علي الغدا كل يوم , الراجل برضه لازم ياكل المحمر والمشمر, عشان يعرف يواصل الشغل في الغيط بتاعه.
نحمده مدافعة عن نفسها : أنا أمي معلمتنيش غير عمايل المسجعة , وبعدين أنا ياما عملتله طبيخ علي أعلي مستوي , ولا هتنكر يا صميدة.
صميدة : ده طبيخ, الجحش إلي بركبه يجرف ياكله .
نحمده : شايف يا جناب العمدة بيتمألس علي طبيخي ازاي , بدل ما يشجعني عشان أوريه مهاراتي في الطبيخ .
صميدة : أنا لو سبتك تتعلمي الطبيخ يا مفترية , هحتاج أعمل غسيل معدة كل يوم.
العمدة : وماله يا صميدة مراتك وبتتعلم الطبيخ عليك , أنا شايف إنك تديها فرصة تتعلم الطبيخ , وكلها كام يوم و هتدخل البيت وتلاجي علي الطبلية طبق رز معمر ,ولا حلة محشي , ولا حتى دكر بط ......... اصبر يا صميدة يا بني ده أنا أول مرة آكل من ايد مراتي كان بعد الجواز ب3 سنين ( كنت مجضيها تيك أواي).
صميدة : طب بلاش دي , يرضيك يا حضرة العمدة بعد ما خلص غدا , وأروح عشان أمدد شوية علي السرير, المدام تنطلي , وتجولي أنا زهجانة وجرفانة وتعبانة , وتعد تشغلي اسطوانة النكد اليومية.
العمدة لنحمده : هو ده اسمه كلام يا بت , جوزك جاي من الغيط تعبان وعاوز يستريح , تجومي تزودي عليه تعبه.
نحمده مدافعة عن نفسها : يعني إن مكنتش اشكي لجوزي واجرفه, أشكي لمين.
العمدة : عندك حق يا بت يا نحمده , لكن لازم تختاري وقت مناسب عشان تشكي فيه.
صميدة : طب بلاش دي , يرضيك يا حضرة العمدة ..........
العمدة مقاطعا : خلاص يا صميدة , انت جبتلي صداع إنت ومراتك, يا بني ريح نفسك وطلجها.
صميدة : عندك حق يا جناب العمدة , روحي يا نحمده انتي طالج بالتلاتة.
تمت
0 التعليقات:
إرسال تعليق