مع إن المفروض إن كل واحد يلجأ لربنا في أي مشكلة بتقابله , إلا إن ناس كتير بتحب تشكي لكل من هب ودب ............. يعني تكون مثلا آعد في أمان الله في الاتوبيس وتلاقي إلي جنبك من أول ما ركب عمال يكلمك عن مراته تفيدة : الولية مراتي الله يخرب بيتها ويشردها وينتقم منها ( قول آمين يا استاذ ), كل يوم بتبعتر الفلوس إلي بديهلها عشان تشتري بيها حاجات البيت ........... وبعدين يسكت شوية وفجأة تلاقيه نط من على الكرسي مرة واحد وهو بيقول : الله يخرب بيتك يا تفيدة ......الله يخرب بيتك ............ تصور يا استاذ كمية الحاجات إلي ملهاش لازمة إلي بتشتريها , يعني لو كانت حوشت الفلوس دي مثلا مكنتش ركبت جنبك في الاتوبيس ده وكنت جبتلي عربية كده نص عمر , ولا موتسكل ولا حتى عجلة , ولا ايه رأيك يا استاذ ؟
يا عم أنا مالي مراتك وبتصرف الفلوس على حاجات ملهاش لازمة , يعني مثلا استلفها منك اسبوعين وأعملها عمرة وارجعهالك ما بتصرفش ولا مليم .
أو تلاقي اتنين ستات آعدين جنب بعض وكل واحدة تشكي جوزها للتانية .
- الموكوس جوزي بخيل وجلدة , مبيرضاش يفسحني كده ولا يعشيني في مطعم عليه القيمة .
- انتي بتقولي فيها يا ختي , دا جوزي من أول ما تخطبنا كان بيقولي , بس نتجوز بس وأنا كل يوم هوديكي مطعم شكل , ومن ساعة ما اتجوزنا ما روحتش معاه غير مطعم الفول والطعمية إلي على أول الشارع , وماجابليش غير ساندوتش فول وشوية طرشي .
- يا اختي احمدي ربنا , أنا يوم ما جوزي عزمني في مطعم فول وطعمية طلب لنفسه اتنين طعمية وواحد فول , وسابلي أنا الطرشي .
- هما الرجالة كلهم كده , عاوزين يكوشو على كل حاجة , وفي الآخر يرمولنا الطرشي .
- ربنا يفك أسرنا منهم , مفكرينا عبيد عندهم , نطبخ ونغسل ونكنس وفي الاخر مش عاجب .
- يا ختي دا صنف نمرود , بياكل وينكر.
في ناس بقى لما تكون تعبانة بدل ما تدعي ربنا يشفيها , كل مايشوفو حد يشكولو , حتى لو دور برد صغير , فتلاقيه ماسك العدة بتاعة البرد (المنديل وشريط الاسبرين ورابط على دماغه قماشة بيضه , ومش بعيد كمان يلبس الكمامة ) ويفرجهم على إلي رايح وإلي جاي ( يا عالم يا هوووووو أنا عندي برد حتى بصو كح......كح........كح........ آتشوووووو ) .
ويا سلام بقى لو واحد لقى صوته مبحوح ويسأله هو انت عندك برد , علطول تلاقيه يشتكي : اسكت يا أخويا مش أنا تعبان وهلكان والبطارية بتاعتي مفيهاش غير شرطتين وكلها كم ساعة وافصل شحن و لغاية دلوقتي مش لاقي الشاحن - ما عندكش شاحن هدية - ...................... ومناخيري خلاص بقت تسرب , الجلدة بتاعتها بايظة ومش لاقيلها قطع غيار , ولا عنيا مزغللة كده وبشوف إلي رايح جاي , وإلي جاي رايح (حتى أنا شايف أدامي دلوقتي تلاتة , مش انتو تلاتة برضه ) .
عاوز أوضح في الآخر إن مفيش مانع إن الواحد يفضفض مع واحد بيستريحلو ويحكيله عن مشاكله , لكن مش لدرجة إن أي حاجة تحصلة يعد يشتكي منها أو ما يكونش راضي عنها .
يا عم أنا مالي مراتك وبتصرف الفلوس على حاجات ملهاش لازمة , يعني مثلا استلفها منك اسبوعين وأعملها عمرة وارجعهالك ما بتصرفش ولا مليم .
أو تلاقي اتنين ستات آعدين جنب بعض وكل واحدة تشكي جوزها للتانية .
- الموكوس جوزي بخيل وجلدة , مبيرضاش يفسحني كده ولا يعشيني في مطعم عليه القيمة .
- انتي بتقولي فيها يا ختي , دا جوزي من أول ما تخطبنا كان بيقولي , بس نتجوز بس وأنا كل يوم هوديكي مطعم شكل , ومن ساعة ما اتجوزنا ما روحتش معاه غير مطعم الفول والطعمية إلي على أول الشارع , وماجابليش غير ساندوتش فول وشوية طرشي .
- يا اختي احمدي ربنا , أنا يوم ما جوزي عزمني في مطعم فول وطعمية طلب لنفسه اتنين طعمية وواحد فول , وسابلي أنا الطرشي .
- هما الرجالة كلهم كده , عاوزين يكوشو على كل حاجة , وفي الآخر يرمولنا الطرشي .
- ربنا يفك أسرنا منهم , مفكرينا عبيد عندهم , نطبخ ونغسل ونكنس وفي الاخر مش عاجب .
- يا ختي دا صنف نمرود , بياكل وينكر.
في ناس بقى لما تكون تعبانة بدل ما تدعي ربنا يشفيها , كل مايشوفو حد يشكولو , حتى لو دور برد صغير , فتلاقيه ماسك العدة بتاعة البرد (المنديل وشريط الاسبرين ورابط على دماغه قماشة بيضه , ومش بعيد كمان يلبس الكمامة ) ويفرجهم على إلي رايح وإلي جاي ( يا عالم يا هوووووو أنا عندي برد حتى بصو كح......كح........كح........ آتشوووووو ) .
ويا سلام بقى لو واحد لقى صوته مبحوح ويسأله هو انت عندك برد , علطول تلاقيه يشتكي : اسكت يا أخويا مش أنا تعبان وهلكان والبطارية بتاعتي مفيهاش غير شرطتين وكلها كم ساعة وافصل شحن و لغاية دلوقتي مش لاقي الشاحن - ما عندكش شاحن هدية - ...................... ومناخيري خلاص بقت تسرب , الجلدة بتاعتها بايظة ومش لاقيلها قطع غيار , ولا عنيا مزغللة كده وبشوف إلي رايح جاي , وإلي جاي رايح (حتى أنا شايف أدامي دلوقتي تلاتة , مش انتو تلاتة برضه ) .
عاوز أوضح في الآخر إن مفيش مانع إن الواحد يفضفض مع واحد بيستريحلو ويحكيله عن مشاكله , لكن مش لدرجة إن أي حاجة تحصلة يعد يشتكي منها أو ما يكونش راضي عنها .
0 التعليقات:
إرسال تعليق