أي حد فينا أكيد بيستخدم موبايله عشان يتكلم فيه ,طب جربت قبل كده تستخدم موبايلك في الرن بس , تعالو نشوف أمثلة على كده .
أشهر سبب يخليك ترن على حد , لما تطلع الموبايل وتيجي تتصل و يطلعلك صوت واحدة تقولك ( عفوا عزيزي المتصل ......... لقد أوشك رصيدك على النفاذ .... ملكش في ذمتنا دلوقتي إلا صفر جنيه وستة وتلاتين قرشا , يعني مش هينفع تعد ترغي كتير , الحق اشحنلك كارت بمياية قبل ما رصيدك يخلص ) , في الحالة دي مش هتجرؤ إنك تطول في الرن عن ثانيتين خوفا من إن حد يفتح عليك , وطبعا هتعد ترن علي إلي عاوز تكلمه لغاية ما تزهقه وتخليه يتصل بيك .
في ناس تانية بتستخدم الرن كشفرة بينها وبين بعض , يعني مثلا لو رن على زميله مرتين ورا بعض يبقى( مستنيك على باب الكلية), أما لو تلات رنات يبقى (هتلاقيني آعد في المدرج في تالت بنش على ايدك اليمين ), 4 رنات ( تعالي على راحتك يا عم أنا حجزتلك في أول بنش في وش الدكتور ), 5 رنات ( انجز وتعالى بسرعة أنا جيت متأخر ومعرفتش أحجزلك قدام ).
ناس تانية بتستخدم الرن عشان تعرف النتيجة بتاعة الامتحان, زي ما حمدان كان بيتفق مع صاحبه حسين في آخر يوم في الامتحانات عشان يجيبله النتيجة .
- شوف يا حسين أنا هرجع سوهاج بعد الامتحان , أمانة عليك يا حسين يا واد عمي تبجى تديني تلافون لما النتيجة تظهر...... أمانة في رجبتك يا واد عمي , أهل الكفر كلاتهم منتظرين النتيجة وكلاتهم خابرين إن حمدان ولد الحاج عرفان ما بيجبش أجل من المجبول .
- ايه يا حمدان؟!......... عاوزني اتصل بيك ازاي بس وأنا مشحنتش موبايلي من أول ما اشتريته غير مرتين , مرة لما أبويا حولي رصيد باتنين جنيه ونص لما نجحت في الثانوية , ومرة تانية لما سلفتني خمسة جنيه رصيد لما بعتلك سلفني شكرا .
- ايه الحديث الماسخ ده يا واد عمي, دا الحاج عرفان جالي يا حمدان يا ولدي انت عليك تجيب المجبول وأنا عليا أعملك ليلة يتحاكى بيها أهل البلد كلاتهم ........... (أحب على يدك يا واد عمي جبلي النتيجة) .
- خلاص ..... خلاص , بما إني مش هعرف اتصل بيك , فمفيش غير إني أرن عليك , يعني لو رنيت عليك رنة يبقى انت شايل ماده , ولو مادتين هرن عليك رنتين , ولو جبت مقبول هرن عليك 3 رنات , ولو جيد يبقي 4 , ولو......... حمدان مقاطعا : كفياك يا حسين أنا عارف نفسي , صعب أجيب 5رنات ولا 6 رنات .
في بقى رن عشان تعرف غلاوتك عند اصحابك, فإلي يرن عليك مرتين في اليوم يبقى ده صاحبك الأنتيم , ولو مرة في اليوم يبقى صاحبك بس مش أنتيم أوي , ولو بيرن عليك كل اسبوع مرة , أو كل شهر مرة يبقى ده مجرد زميل .
أما بقى الرن بين المتجوزين , تلاقي قبل الجواز لما خطيبتك تحب تكلمك ترن عليك وتطول قوي , وانت عشان راجل حمش هتسيبها لغاية ما تخلص رن وتتصل انت عليها , ولو سألتك ( من ورا قلبها طبعا ) : انت مفتحتش عليا الموبايل ليه يا بودي , أنا كنت عاوزا اطمن عليك أصل انت وحشتني أوي أوي من بعد ما سبنا بعض من ساعتين, هترد عليها بصوت رومانسي : يا حياتي ما يصحش أغرمك فلوس , أنا الراجل وأنا إلي لازم اتصل ,( هي طبعا هتفرح عشان هتوفر تمن المكالمة ) .
وتلاقي أكتر حد بيرن على حد في الدنيا كلها , الخطيب لخطيبته والخطيبة لخطيبها , فكل ربع ساعة تلاقي الموبايل بيرن ولما والدتها تقولها : ما تردي يا بنتي موبايلك بيرن , ترد عليها البنت : يوه يا ماما , دا بودي خطيبي.
- مش كان لسه رانن عليكي من عشر دقايق .
- يوه ياماما , مش بيفكرني دايما إني على باله.
- قطيعة عليكي وعليه هو عشان يفكرنا إنك على باله يصدعنا .
بعد الجواز بقى لما المدام تحب تكلم جوزها هترن عليه لمدة فيمتو ثانية , عشان هو يتصل بيها , ولو الراجل غلط وفتح عليها غصب عنه , هتلاقيها بترد عليه بصوت شبه صوت المعلم باعجورة : جرى ايه يا منيل , هو انت بتفتح عليا ليه , أنا كنت بمسدد عليك عشان تخلي عندك دم وتتصل عليا .
في بقي الرنة الدولية , ودي لما يكون ليك حد شغال بره البلد وعاوز تتطمن عليه , فبدل ما تغرم نفسك وتتصل بيه بالشئ الفلاني , هترن عليه رنة وهو يرن عليك رنة وبكده تكون اطمنت عليه, بس دي بتبقى من أخطر الرنات عشان لو اتفتح عليك بتتغرم كتييير , وتلاقي إلي بيرن الرنة دي ماسك الموبايل واديه بترتعش ومعدل نبضه بيزيد , وتلاقي اتنين واقفين جنبه بينشفولو عرقه,ومش بعيد يكتب وصيته قبل المكالمة عشان لو طب ساكت لو حد فتح عليه , وتلاقيه عامل احتياطاته كلها عشان محدش يفتح عليه ( فتلاقيه ماسك الموبايل بإيدو اليمين وبيرن بصابع وعامل حسابه إن فيه صابع تاني محطوط علي زرار قفل السماعة )
في ناس بقى تخليك تشتغل ليهم منبه , أصل من كتر ما هما نومهم تقيل ومبيصحوش إلا لو انفجرت جنبهم قنبله ذرية تلاقيهم كل شوية يعدو يوصوك : بقولك ايه اوعى تنسى ترن عليا الساعة سبعة ونص عشان ألحق المحاضرة , مترنش رنة وتقفل خليك ورايا لغاية ما كنسل عليك , وغالبا النوع ده بيفتح عليك من تاني رنة أصله بيكون مش في وعيه ولما يلاقي حاجة بترن جنبه كل شوية , هيمسكها عشان يشوف مين الغتت إلي مش عاوز يبطل رن ده , وبما إنه مش في وعيه فغالبا هيفتح عليك.
أشهر سبب يخليك ترن على حد , لما تطلع الموبايل وتيجي تتصل و يطلعلك صوت واحدة تقولك ( عفوا عزيزي المتصل ......... لقد أوشك رصيدك على النفاذ .... ملكش في ذمتنا دلوقتي إلا صفر جنيه وستة وتلاتين قرشا , يعني مش هينفع تعد ترغي كتير , الحق اشحنلك كارت بمياية قبل ما رصيدك يخلص ) , في الحالة دي مش هتجرؤ إنك تطول في الرن عن ثانيتين خوفا من إن حد يفتح عليك , وطبعا هتعد ترن علي إلي عاوز تكلمه لغاية ما تزهقه وتخليه يتصل بيك .
في ناس تانية بتستخدم الرن كشفرة بينها وبين بعض , يعني مثلا لو رن على زميله مرتين ورا بعض يبقى( مستنيك على باب الكلية), أما لو تلات رنات يبقى (هتلاقيني آعد في المدرج في تالت بنش على ايدك اليمين ), 4 رنات ( تعالي على راحتك يا عم أنا حجزتلك في أول بنش في وش الدكتور ), 5 رنات ( انجز وتعالى بسرعة أنا جيت متأخر ومعرفتش أحجزلك قدام ).
ناس تانية بتستخدم الرن عشان تعرف النتيجة بتاعة الامتحان, زي ما حمدان كان بيتفق مع صاحبه حسين في آخر يوم في الامتحانات عشان يجيبله النتيجة .
- شوف يا حسين أنا هرجع سوهاج بعد الامتحان , أمانة عليك يا حسين يا واد عمي تبجى تديني تلافون لما النتيجة تظهر...... أمانة في رجبتك يا واد عمي , أهل الكفر كلاتهم منتظرين النتيجة وكلاتهم خابرين إن حمدان ولد الحاج عرفان ما بيجبش أجل من المجبول .
- ايه يا حمدان؟!......... عاوزني اتصل بيك ازاي بس وأنا مشحنتش موبايلي من أول ما اشتريته غير مرتين , مرة لما أبويا حولي رصيد باتنين جنيه ونص لما نجحت في الثانوية , ومرة تانية لما سلفتني خمسة جنيه رصيد لما بعتلك سلفني شكرا .
- ايه الحديث الماسخ ده يا واد عمي, دا الحاج عرفان جالي يا حمدان يا ولدي انت عليك تجيب المجبول وأنا عليا أعملك ليلة يتحاكى بيها أهل البلد كلاتهم ........... (أحب على يدك يا واد عمي جبلي النتيجة) .
- خلاص ..... خلاص , بما إني مش هعرف اتصل بيك , فمفيش غير إني أرن عليك , يعني لو رنيت عليك رنة يبقى انت شايل ماده , ولو مادتين هرن عليك رنتين , ولو جبت مقبول هرن عليك 3 رنات , ولو جيد يبقي 4 , ولو......... حمدان مقاطعا : كفياك يا حسين أنا عارف نفسي , صعب أجيب 5رنات ولا 6 رنات .
في بقى رن عشان تعرف غلاوتك عند اصحابك, فإلي يرن عليك مرتين في اليوم يبقى ده صاحبك الأنتيم , ولو مرة في اليوم يبقى صاحبك بس مش أنتيم أوي , ولو بيرن عليك كل اسبوع مرة , أو كل شهر مرة يبقى ده مجرد زميل .
أما بقى الرن بين المتجوزين , تلاقي قبل الجواز لما خطيبتك تحب تكلمك ترن عليك وتطول قوي , وانت عشان راجل حمش هتسيبها لغاية ما تخلص رن وتتصل انت عليها , ولو سألتك ( من ورا قلبها طبعا ) : انت مفتحتش عليا الموبايل ليه يا بودي , أنا كنت عاوزا اطمن عليك أصل انت وحشتني أوي أوي من بعد ما سبنا بعض من ساعتين, هترد عليها بصوت رومانسي : يا حياتي ما يصحش أغرمك فلوس , أنا الراجل وأنا إلي لازم اتصل ,( هي طبعا هتفرح عشان هتوفر تمن المكالمة ) .
وتلاقي أكتر حد بيرن على حد في الدنيا كلها , الخطيب لخطيبته والخطيبة لخطيبها , فكل ربع ساعة تلاقي الموبايل بيرن ولما والدتها تقولها : ما تردي يا بنتي موبايلك بيرن , ترد عليها البنت : يوه يا ماما , دا بودي خطيبي.
- مش كان لسه رانن عليكي من عشر دقايق .
- يوه ياماما , مش بيفكرني دايما إني على باله.
- قطيعة عليكي وعليه هو عشان يفكرنا إنك على باله يصدعنا .
بعد الجواز بقى لما المدام تحب تكلم جوزها هترن عليه لمدة فيمتو ثانية , عشان هو يتصل بيها , ولو الراجل غلط وفتح عليها غصب عنه , هتلاقيها بترد عليه بصوت شبه صوت المعلم باعجورة : جرى ايه يا منيل , هو انت بتفتح عليا ليه , أنا كنت بمسدد عليك عشان تخلي عندك دم وتتصل عليا .
في بقي الرنة الدولية , ودي لما يكون ليك حد شغال بره البلد وعاوز تتطمن عليه , فبدل ما تغرم نفسك وتتصل بيه بالشئ الفلاني , هترن عليه رنة وهو يرن عليك رنة وبكده تكون اطمنت عليه, بس دي بتبقى من أخطر الرنات عشان لو اتفتح عليك بتتغرم كتييير , وتلاقي إلي بيرن الرنة دي ماسك الموبايل واديه بترتعش ومعدل نبضه بيزيد , وتلاقي اتنين واقفين جنبه بينشفولو عرقه,ومش بعيد يكتب وصيته قبل المكالمة عشان لو طب ساكت لو حد فتح عليه , وتلاقيه عامل احتياطاته كلها عشان محدش يفتح عليه ( فتلاقيه ماسك الموبايل بإيدو اليمين وبيرن بصابع وعامل حسابه إن فيه صابع تاني محطوط علي زرار قفل السماعة )
في ناس بقى تخليك تشتغل ليهم منبه , أصل من كتر ما هما نومهم تقيل ومبيصحوش إلا لو انفجرت جنبهم قنبله ذرية تلاقيهم كل شوية يعدو يوصوك : بقولك ايه اوعى تنسى ترن عليا الساعة سبعة ونص عشان ألحق المحاضرة , مترنش رنة وتقفل خليك ورايا لغاية ما كنسل عليك , وغالبا النوع ده بيفتح عليك من تاني رنة أصله بيكون مش في وعيه ولما يلاقي حاجة بترن جنبه كل شوية , هيمسكها عشان يشوف مين الغتت إلي مش عاوز يبطل رن ده , وبما إنه مش في وعيه فغالبا هيفتح عليك.
0 التعليقات:
إرسال تعليق